One click go to have your booking
Book now

HIV Positive

HIV療程建議

快速測試 HIV 陽性後,即刻同你預約個快期去九龍灣抽血驗多一次,都係不記名。確定感染HIV之後,就會轉介你去睇愛滋病專科診所。

HIV病毒係透過身體免疫細胞CD4繁殖,之後CD4細胞就會死去。通常CD4細胞低過500就會影響身體抵抗力,要開始食藥,但係就唔知要等幾多個月、幾多年你先會跌到咁低。另一方面,自己傳染畀別人嘅力度強弱係決定於每微升有幾多病毒,例如五十萬、一百萬、兩百萬。未開始食藥嘅話,病毒數量其實會一路持續上升,就會好容易傳染HIV畀人。

在確診初期心情低落,會無心機去玩。隨着時間的洗刷,當傷心過後便是尋找開心事物的時間。咁話晒都愛過一次做過一次,每個人都想留下好嘅口碑,所以我地就提議確診後盡快開始食藥。如果無其他內科疾病嘅話,食足一年藥之後,病毒數量會跌到每微升低過一百,部機測唔到架喇。感染HIV已經成為過去,帶返個套就可以過正常嘅性生活喇。因擔心殘餘病毒逃入骨髓,所以每天都要食藥。

青春、美貌係有時限嘅,唔開始食藥嘅話,你唔知幾時先開始再過正常性生活,所以我地提議你盡快開始食藥,兩年左右就可重新開始,計劃將來。

如果你食藥嘅時候遇到一啲影響起居飲食嘅副作用,可以揾我地,我地就會講返以前一啲成功嘅例子畀你參考。

備註:

其實而家香港有超過六千人係中左HIV嘅,而大部份都係同志,呢幾年每年都有大概五百個新感染者,出面揾唔到?揾返個病友都好過無啦。

內科疾病包括心肝脾肺腎功能同埋內分泌酵素。


新增協助HIV+人的服務

1. CD4仲有幾多呢?都好耐無驗過喇

若果您遇到服藥、返工、家人相處、儲存藥物的困難,我們會以朋友身份分享以前的個案及解決辦法。同時會幫您打電話預約或陪伴您去診所。

目的是不用尷尬地睇醫生。


2. 我中咗HIV,我唔係姣婆但都唔想守寡!

如果您食藥食到測唔到有病毒數量時,您戴個安全套就可以重新揾性伴侶。

其實大部份人都可以做得到,只要定期去診所覆診同準時食藥,穩定快樂嘅性生活係隨手可得。


3. 我的HIV病毒數量已經低到測唔到喇,我想溝仔啊!

HIV病毒數量咁低,戴返個安全套係唔會傳染畀男朋友嘅。

如果男朋友每天服食預防HIV藥物(PrEP)以作雙重保險,就會更加安心喇!

預防HIV藥物的專利權將於下年屆滿可能會令到格價變得便宜。

如需預約或查詢, 可致電3116 7204 向職員查詢.