HIV療程建議

快速測試 HIV 陽性後，即刻同你預約個快期去九龍灣抽血驗多一次，都係不記名。確定感染HIV之後，你可以自行選擇就近嘅愛滋病專科診所就醫。

HIV病毒係透過身體免疫細胞CD4繁殖，之後CD4細胞就會死去。通常CD4細胞低過500就會影響身體抵抗力，要開始食藥，但係就唔知要等幾多個月、幾多年你先會跌到咁低。另一方面，自己傳染畀別人嘅力度強弱係決定於每微升有幾多病毒，例如五十萬、一百萬、兩百萬。未開始食藥嘅話，病毒數量其實會一路持續上升，就會好容易傳染HIV畀人。

在確診初期心情低落，會無心機去玩。隨着時間的洗刷，當傷心過後便是尋找開心事物的時間。咁話晒都愛過一次做過一次，每個人都想留下好嘅口碑，所以我地就提議確診後盡快開始食藥。如果無其他內科疾病嘅話，食足一年藥之後，病毒數量會跌到每微升低過一百，部機測唔到架喇。感染HIV已經成為過去，帶返個套就可以過正常嘅性生活喇。因擔心殘餘病毒逃入骨髓，所以每天都要食藥。

青春、美貌係有時限嘅，唔開始食藥嘅話，你唔知幾時先開始再過正常性生活，所以我地提議你盡快開始食藥，兩年左右就可重新開始，計劃將來。

如果你食藥嘅時候遇到一啲影響起居飲食嘅副作用，可以揾我地，我地就會講返以前一啲成功嘅例子畀你參考。

備註:

其實而家香港有超過六千人係中左HIV，而大部份都係同志，呢幾年每年都有大概五百個新感染者，出面揾唔到？揾返個病友都好過無啦。

醫管局係睇唔到九龍灣同社會衞生科嘅病歷，公職人員可以放心。如果選擇到醫管局嘅診所睇愛滋病，須要考慮病歷問題。

內科疾病包括心肝脾肺腎功能同埋內分泌酵素。

2017農曆新年公眾假期安排

12月13日15:00-18:30暫停測試服務

為了維持我們中心的服務質素，將於12月13日15:00-18:30進行週年職員再培訓，18:30以後正常辦公。

如有不便，敬請原諒

2016年12月公眾假期之安排